Hukumar Shirya Jarrabawar Shiga Jami’a (JAMB) ta biya jimillar kudi N1,478,416,000.00 ga masu cibiyoyin da ba na JAMB ba a fadin kasar nan don ayyukan da suka yi a lokacin Jarrabawar Shiga Manyan Makarantu (UTME) na shekarar 2023.
Hakan na kunshe ne a cikin wata sanarwa da Daraktan hulda da jama’a da kuma ka’idojin hukumar, Dakta Fabian Benjamin ya fitar kuma ya bayyanawa manema labarai a Abuja ranar Alhamis.
Benjamin ya ce adadin bai kai N59,585,000 ba, wanda na daga cikin kudaden da aka amince da su na cibiyoyin CBT mallakar JAMB.
Ya ce ya dace a gaggauta warware wasu ayyuka da kuma lokacin da ya dace don inganta da kuma dorewar kyakkyawar alakar aiki tare da abokan huldar da suka yi aikinsu yadda ya kamata.
“A sani cewa yawancin cibiyoyin da ake amfani da su wajen jarrabawar ba na JAMB ba ne yayin da wasu kuma cibiyoyin ICT na manyan makarantu ne.
“Wannan alaƙar da ke tsakanin Hukumar da cibiyoyin CBT masu zaman kansu da sauran su na haɗin gwiwa ne a cikin yanayi kuma an tsara su don tabbatar da ingantacciyar isar da sabis da haɗa kai.
“Saboda haka, Hukumar tana alfaharin sanar da cewa duk masu cibiyoyi da suka yi aiki mai inganci a lokacin jarrabawar da aka kammala an yaba musu yadda ya kamata saboda aikin da suka yi da kuma biyansu yadda ya kamata,” inji shi.
Ya ci gaba da cewa, a matsayinta na kungiyar da ta dauki matakin, hukumar za ta ci gaba da tabbatar da cewa kowane dalibi ya samu damar shiga manyan makarantu ba tare da wata matsala ba ta hanyar samar da daidaito ga kowa da kowa.
Don haka, ya nanata kudurin hukumar na ci gaba da yin amfani da fasahar zamani, ba wai kawai don samar da ingancin tantancewa ba, har ma don kare martabar jarrabawar ta.
Firdausi Musa Dantsoho
