Hukumar babban birnin tarayya Abuja ta raba na’urori daban-daban ga jami’an tsaro da ke aiki a yankin, da nufin karfafa yaki da rashin bin doka da oda.
Kayayyakin da suka hada da, rigunan rigar harsashi, gurneti, hular kwano da sauran muhimman kayan tsaro, an ce sun yi daidai da sabbin motocin da aka fara raba musu a watannin baya, wanda Ministan babban birnin tarayya, Malam Muhammad Bello ya raba musu.
Babban Sakatare na dindindin Adesola Olusade wanda ya yi rabon kayan amfanin yau da kullun a Abuja, ya ce gwamnati na mutunta sadaukarwar da jami’an tsaro suke yi, kuma za ta ci gaba da ba su ladan kwazo da aminci.
Olusade ya lura cewa ƙwararrun ma’aikata da kayan aiki, zai ƙara ƙimar da ake buƙata don ingantaccen aikin ɗan sanda na babban birni kamar Abuja.
A cewarsa, ya kamata jami’ai da mutanen da suka sanya rayukansu a kan kare rayuka da dukiyoyin wasu, ya kamata a yi musu abin da ya dace.
“Suna buƙatar a ba su kariya, don haka dole ne mu goyi bayan ƙoƙarinsu ta hanyar samar musu da na’urorin tsaro masu mahimmanci.
“Muna yabawa duk wani abin da gwamnatin tarayya ta yi, kuma muna fatan za ta yi nisa wajen kara jajircewa da himma wajen yaki da laifuka,” in ji Olusade.
Shima da yake magana, hukumar ‘yan sanda ta FCT, CP Sadiq Abubakar yayin da yake bada tabbacin za’a tura kayan aikin yadda ya kamata, ya gargadi miyagu da duk masu aikata laifuka da su nisanci Abuja, domin babu shakka jami’an za su biyo bayansu.
Ya ce, “Ina so in tabbatar muku da cewa za mu ci gaba da jajircewa kuma hakan zai kara habaka duk abin da muke yi, hakan kuma zai kara mana kwarin gwiwa wajen ganin mun yi iya kokarinmu wajen ganin an samu zaman lafiya da kwanciyar hankali a babban birnin tarayya Abuja.
“Muna gargadin ‘yan iska da miyagu da su nisanci laifuka da aikata laifuka, in ba haka ba za mu biyo bayansu”.
Daga Fatima Abubakar.
