Ministan babban birnin tarayya, Nyesom Wike, ya yi watsi da maganar karya, wani rahoton da aka wallafa a kafafen sada zumunta na yanar gizo na cewa ya sayi Armored Lexus LX600 akan Naira Miliyan 300 kwana daya kacal da rantsar da shi da shugaban kasa Bola Tinubu ya yi.
Da yake magana bayan wani rangadin da ya kai kan titin jirgin kasa na Abuja, Wike ya kalubalanci ’yan jarida da su duba motarsa tare da tabbatar da ko motar kirar kariya daga harsashi ne ko kuma waninsa.
Yace; “Yanzu za mu je ofis domin samun rahoton kai tsaye daga kowane bangare, amma na ga abin da ke faruwa a kafafen sada zumunta, yadda kai (FCTA Permanent Secretary) ka sayi mota mai hana harsashi Naira Miliyan 300. Domin amfani na.
“Don haka ina so jama’a ku je ku buga hannunku a jikin motar don tabbatar da zargin da ake min(a kan motar) ya yi jan hankali tare da cewa a dinga mutunta jama’a kuma ayi hattara kar su halaka wurin ba da labaran karya.
“Lokacin da na zo, Sakatare na dindindin ya ce suna da mota mana, kuma motar da muke amfani da ita ita ce, ban taba yarda a saya wata mota ba, kuma ban yi amfani da mota mai hana harsashi a hukumance ba, ko ina da motoci kamar yadda ya kamata a matsayinka na gwamna Amma ni ba ina amfani da mota mai hana harsashi a matsayina na ministar babban birnin tarayya Abuja ba, don haka mu rika kawo rahoton abin da ya dace, ba mu halaka kanmu ba, ina so ku zo ku dauki mota ku duba ku gani ko mota ce mai hana harsashi,” in ji shi.
Yadda ‘yan jarida da dama suka yi kalubalantar wadanda suka tabbatar da cewa motar ba ta da harsashi.
Wike wanda ya zagaya da layin dogo daga tashar jirgin kasa zuwa filin jirgin sama na Abuja ya shaidawa ‘yan kwangilar, Kamfanin sufurin jirgin kasa na kasar Sin CCECC da su rage wa’adin shekara guda na kammala aikin da aka lalata zuwa akalla watanni takwas.
Da yake lura da cewa yana gaggawar kai dauki, ministan ya ce dole ne mazauna Abuja su fara jin kasancewar gwamnati cikin gaggawa.
Yace; “Wannan aiki ne mai kyau. Wannan yana daya daga cikin ayyukan da za mu yi gaggawar kammalawa da kuma amfani da su. Kudaden suna nan kuma na umarci Babban Sakatare ya biya ‘yan kwangilar.
“Mutane za su iya amincewa da layin dogo ne kawai, idan yanzu yana aiki, za mu sanya wannan hanyar ta yi aiki kafin mu yi magana game da wata hanya.”
Wike ya koka da cewa hanyar tashar jirgin kasa zuwa tashar jirgin sama ba ta da inganci sosai, ya kara da cewa nan gaba kadan gwamnatinsa za ta fara aiki kan hanyoyin kasuwanci da za su hada wurare kamar Nyanya da Kubwa zuwa tsakiyar birnin.
Ya kuma yi tambaya kan dalilin da ya sa ba a kammala katangar tashar metro ba, yana mai cewa bai kamata jami’an babban birnin tarayya Abuja da ‘yan kwangilar su yi korafin barna ba alhalin ba a samar da muhimman abubuwan tsaro ba.
Daga Fatima Abubakar. 
