Gwamna Aminu Waziri Tambuwal na jihar Sokoto ya sanya dokar hana fita a babban birnin jihar sakamakon mummunar zanga-zangar da wasu matasa suka yi na neman a sako wasu mutane biyu da ake zargi da hannu a kisan Deborah Emmanuel bisa zargin yin batanci ga fiyayyen halitta.
Gwamnan a wata sanarwa da ya fitar a ranar Asabar din da ta gabata ya ce dokar hana fita ta zama dole domin a maido da doka da oda a jihar biyo bayan rikicin daliban da ya kai ga kashe Emmanuel, daliba a Kwalejin Ilimi ta Shehu Shagari da ke Sakkwato.
Tashin hankali ya faru ne yayin da masu zanga-zangar ke neman a sako wadanda ake zargi da kashe dalibar
Tambuwal ya yi kira ga al’ummar jihar da su guji tashin hankali su kasance masu bin doka da oda.
Ya ce, “Bayan abin bakin ciki da ya faru a kwalejin ilimi ta Shehu Shagari a ranar Alhamis da kuma ci gaban da ke faruwa a cikin birnin (Sokoto) da safe har zuwa yamma, bisa ga ikon da sashi na 176 (2) na kundin tsarin mulkin kasar ya ba ni. Tarayyar Najeriya; da Sashe na 1 da 4 na Dokar Jama’a; Haka kuma, Sashe na 15 na dokar kiyaye zaman lafiya ta Jihar Sakkwato, na ayyana, tare da aiwatar da dokar ta-baci a cikin (Sokoto) cikin garin Sakkwato na tsawon awanni 24 masu zuwa.
“Ina kira ga mutanen jihar Sokoto nagari da su ci gaba da bin doka da oda tare da kwantar da hankulan yadda ake samun kwanciyar hankali a cikin babban birni.
“Don Allah kowa ya koma gida ya kiyaye wannan matakin, da nufin samar da zaman lafiya, doka da oda a jihar.
Gwamnar yayi godiya ga al’ummar sakkwato ga baki daya,da kuma rokon su da su rungumi zaman lafiya tare da kare doka da oda.
Fatima Abubakar.
