Jaridar PUNCH ta ruwaito cewa Atiku da Obi sun ki amincewa da shan kaye a zaben shugaban kasa da aka gudanar a ranar 25 ga watan Fabrairu, inda suka sha alwashin dawo da huruminsu a kotu .
‘Yan takarar biyu sun yi fatali da matakin sasantawa da zababben shugaban kasa, Bola Tinubu ya yi, wanda a jawabinsa na amincewa da shi bayan an ayyana shi a matsayin wanda ya lashe zaben ranar Laraba, ya bukaci su mara masa baya a kan aikin gina kasa.
Atiku da Obi sun yi magana ne a taron manema labarai daban-daban a Abuja ranar Alhamis.
Don ci gaba da tattaunawa, dukkan ‘yan takarar shugaban kasa sun bukaci PEC a Abuja da ta ba su damar duba kayayyakin da aka yi amfani da su a zaben na ranar 25 ga Fabrairu.
Bukatar tasu na kunshe ne a cikin wasu tsaffin kudirori guda biyu da suka shigar a sakatariyar PEC da ke kotun daukaka kara a Abuja.
Dukkan kudurori biyun, tare da Hukumar Zabe Mai Zaman Kanta ta Kasa da wasu mutane biyu a matsayin wadanda ake kara, an jera su domin sauraren karar ranar Juma’a (yau).
Daga Fatima Abubakar.
