Gwamnatin kasar Japan na shirin shawo kan matasan kasarta da su yawaita shan barasa a matsayin hanyar bunkasa tattalin arziki ta hanyar haraji daga masana’antun.
A cewar rahotanni, kididdigar baya-bayan nan daga hukumar haraji ta nuna cewa mutanen Japan sun sha kasa a shekarar 2020 idan aka kwatanta da na 1995, inda adadin ya ragu daga matsakaicin lita 100 na shekara zuwa lita 75 (galan 16).
Haraji daga harajin barasa shima ya ragu cikin shekaru a Japan, kasa ta uku mafi karfin tattalin arziki. A cewar jaridar The Japan Times, ta kasance kashi 5% na jimillar barasa a cikin 1980, amma a cikin 2020 ya kai kashi 1.7% kawai.
Kudaden harajin Japan daga tallace-tallacen barasa ya faɗi da kusan biliyan ¥ 110 (kimanin dala biliyan 813,868,000) a cikin 2020, kuma ƙimar da girman faɗuwar ita ce raguwa mafi girma cikin shekaru 31.
Bankin Duniya ya kiyasta cewa kusan kashi uku (29%) na al’ummar Japan sun cika shekaru 65 da haihuwa – mafi girman kaso a duniya.
Bayanan sun tilasta wa gwamnati ƙaddamar da “Sake Viva!” gangamin da ke fatan fito da wani tsari na sanya shaye-shaye ya zama abin sha’awa ga matasa da kuma bunkasa sana’ar.
Kamar yadda yake a yanzu, matasan yanzun ba sa shan barasa fiye da iyayensu matakin da ya shafi haraji akan abubuwan sha kamar sake (giyar shinkafa).
DAGA FAIZA A. GABDO
