Dangane da wasu sabbin binciken da aka gano a yayin wani kwakkwaran bincike kan harkokin kudi na Hukumar Raya Wutar Lantarki ta Karkara (REA), Shugaba Bola Tinubu ya amince da dakatar da Manajan Darakta/Shugaba na Hukumar Raya Wutar Lantarki (REA), Ahmad Salihijo Ahmad, tare da manyan Daraktoci uku na Hukumar, daga ofis:
(1) Olaniyi Alaba Netufo – Babban Darakta, Ayyukan Kasuwanci
(2) Barka Sajou – Babban Darakta, Ayyukan Fasaha
(3) Sa’adatu Balgore – Babban Darakta, Asusun Lantarki na Karkara (REF)
Bugu da kari kuma, shugaba Tinubu ya bayar da umarnin gudanar da bincike mai zurfi kan yadda jami’an da aka ambata a baya suka gudanar da almundahana da suka kai sama da Naira biliyan 1.2 a cikin shekaru biyu da suka gabata, wasu daga cikinsu kuma tuni hukumomin yaki da cin hanci da rashawa suka kwato su.
Bisa ga umarnin shugaban kasa, an nada ’yan Najeriya da suka cancanta da su yi aiki a cikin sabuwar kungiyar gudanarwa na Hukumar Raya Wutar Lantarki ta Karkara (REA) don gudanar da aiki nan take:
Su ne kamar haka,
(1) Abba Abubakar Aliyu – Manajan Darakta/CEO
(2) Ayoade Gboyega – Babban Darakta, Ayyukan Kamfanoni
(3) Umar Abdullahi Umar – Babban Darakta, Ayyukan Fasaha
(4) Doris Uboh – Babban Darakta, Asusun Lantarki na Karkara (REF)
(5) Olufemi Akinyelure – Shugaban Sashen Gudanar da Ayyuka, Ayyukan Lantarki na Najeriya
Shugaba Bola Tinubu yana sa ran duk wadanda aka nada a gwamnatinsa za su kasance masu bin tsarin gaskiya da rikon amana wajen gudanar da ayyukansu tare da jaddada aniyarsa na daukaka muradun ‘yan Najeriya na samun shugabanci na gari da samar da ingantacciyar hidima fiye da yadda ake bukata don samar da ayyuka masu mahimmanci ga al’ummar Najeriya.
Wannan sanarwan dai na zuwa ne daga Mai baiwa Shugaban kasa shawara na musamman kan sadarwa Chief Ajuri Ngalale.
Daga Fatima Abubakar.
