Tsohon Sarkin Kano, Lamido Sanusi ya gana da shugabannin mulkin soja a Jamhuriyar Nijar.
A cikin wani faifan bidiyo da ke yawo yanzu haka, an ga Sanusi tare da Sarkin Damagaran a ziyarar da suka kai wa jagoran juyin mulkin Abdourahmane Tiani.
Damagaran shi ne birni na uku mafi girma a Nijar Wannan dai na zuwa ne sa’o’i bayan shugabannin suka soke wata ganawa da mukaddashin sakatariyar Amurka, Victoria Nuland a ziyarar da ta kai Yamai babban birnin Jamhuriyar Nijar.
Har ila yau gwamnatin mulkin sojan ta yi watsi da kiraye-kirayen da kungiyar Tarayyar Afirka ta yi mata, yayin da kuma ta ki amincewa da bukatar kungiyar kasashen yammacin Afirka kan maido da hambararren shugaban kasar Mohamed Bazoum
- Daga Fatima Abubakar
