Wata mata mai suna Zainab Ibrahim ta rasu ne a lokacin da ta ke raba fada tsakanin ‘ya’yantaguda biyu, Inusa da Usman.
Ko da yake ba a iya gano musabbabin fadan ba, Inusa, an ce an yi kuskure ne ya daba wa mahaifiyarta a hannunta na hagu.
Lamarin ya faru ne a ranar Asabar a unguwar Kpaduma II da ke Asokoro Abuja.
Wani mazaunin yankin da ya bayyana sunansa Saliu Shehu ya ce an garzaya da Zainab wani asibiti mai zaman kansa inda ta rasu.
Yace; “Yan’uwan biyu iyayensu daya ne. Sun kasance suna faɗa mai tsanani. Mahaifiyarsu ta shigo tana kokarin raba su. Inusa kuwa ya fita ya je ya kawo wata adda da ya yi niyyar amfani da shi a kan dan uwansa, cikin kuskure ya yanke mahaifiyarsa a hannunta na hagu. An kai ta wani asibiti mai zaman kansa inda ta rasu.”
Da aka tuntubi mai magana da yawun hukumar ‘yan Sanda na babban birnin tarayya Abuja, Josephine Adeh, ta ce Inusa yana ya kara gaba,inda ta ce ana ci gaba da bincike kan lamarin.
Daga Fatima Abubakar.
