Gwamna Muhammad Inuwa Yahaya (Dan Majen Gombe) yana taya Mai Martaba Sarkin Gombe, Alhaji Dr. Abubakar Shehu Abubakar III, murnar cika shekaru 45 da haihuwa a ranar Asabar, 17 ga Disamba, 2022.
Gwamna Inuwa, a cikin wata sanarwa da ya fitar, ya bayyana shugaban majalisar sarakuna da sarakunan jihar Gombe a matsayin wanda ya zaburar da al’umma, kuma sarki mai kishin kasa wajen tabbatar da hadin kai, zaman lafiya da ci gaban yankinsa, jihar da Najeriya baki daya. .
Ya yi nuni da cewa, sarki ya kasance sahihin abokin tarayya a harkar mulki da ci gaban jihar Gombe duba da irin kyawawan halaye na jagoranci da yake nunawa tun bayan hawansa karagar mulkin kakanninsa.
Yayin da yake yiwa Mai Martaba Sarkin Gombe fatan alheri, Gwamna Inuwa Yahya, ya roki Allah Madaukakin Sarki da Ya ci gaba da yi masa jagora, kariya da kuma kara masa hikima da koshin lafiya don ci gaba da samar da shugabanci na gari.
Ismaila Uba Misilli
Darakta-Janar (Hukumar Yada Labarai)
Gidan Gwamnati Gombe.
