Sakataren Gwamnatin Tarayya (SGF) George Akume yana tabbatar wa ‘yan Najeriya shirin gwamnati na rage radadin tashin farashin man fetur.
Tun bayan cire tallafin man fetur, an samu hauhawar farashin kayayyakin. Tun da farko dai ana sayar da mai N190 kan kowace lita, farashin ya haura tsakanin N600 zuwa N700 tun lokacin da Shugaba Bola Tinubu ya furta cewa “babu batun cire tallafin mai”.
Wannan ci gaban ya haifar da koma baya amma Akume ya ce gwamnati ba ta manta da wadannan abubuwan ba.
“Yayin da kungiyarmu ke samun tsari, ina so in tunatar da ku cewa @officialABAT ya zo da shiri- ya zo da tsari. Ya san abin da zai yi kuma yana yin sa. Yayi tattalin wannan hangen nesa shekaru da yawa kuma yanzu ya kawo shi rayuwa, ”ya wallafa a ranar Litinin da safe.
“A matsayinmu na gwamnati, mun ji kukan ku game da hauhawar farashin man fetur, kuma ku tabbatar da cewa, muna aiki ba dare ba rana don daidaitawa da kawo hanyoyin magance radadin. Aikinmu shine mu ba ku ingancin rayuwar da kuka cancanta a duk lokacin da kuka wayi gari. Ya zuwa yanzu, muna kan hanya cimma manufofin mu,” in ji shi.
Yayin da yake bayyana tsarin tallafin a matsayin “mai koma baya,” ya ce kasar na bukatar kawo karshensa.
“Don wannan tsarin tallafin na koma baya ya ƙare, ku sani cewa biyan tallafin shekara-shekara saboda rashin inganci a sarkar darajar mai da iskar gas ya tsaya a kan dala biliyan 11. Ba mai dorewa ba ne, kuma dole ne wani ya yi aiki. Shugaban kasa ya jajirce wajen yin haka kuma ya gaya mana tun ranar daya,” inji shi.
Duk da haka, ya bukaci ‘yan Najeriya da su yi hakuri yayin da “mun riga mun tsara hanyoyin da za mu tabbatar da cewa yan kasuwa sun daidaita farashinsu yayin da muke aiwatar da manufofin da za su inganta rayuwar ku da kuma inganta karfin ku. Muna da ingantaccen tsarin maido da tattalin arziki, don haka ina rokon ku da ku amince da tsarin”.
Firdausi Musa Dantsoho
