Ministan Babban Birnin Tarayya (FCT), Mista Nyesom Wike, ya yi kira ga Hukumar Shari’a ta Babban Birnin Tarayya, Abuja, da ta duba matakin ba da izini ga Hukumar Babban Birnin Tarayya (FCT), kan badakalar filaye da sauran su.
Wike ya yi wannan roko ne a lokacin da bangaren shari’a na babban birnin tarayya Abuja karkashin jagorancin babban alkalin babban kotun tarayya, Mai shari’a Hussaini Yusuf ya ziyarce shi a ofishinsa da ke Abuja ranar Alhamis.
Ya koka da yadda ake gudanar da ayyuka masu tsauri a cikin babban birnin tarayya Abuja, a wasu lokutan kuma suna yin hadin gwiwa da wasu ma’aikatan hukumar kula da babban birnin tarayya Abuja, ya kuma kara da cewa alkalai kuma suna dagula al’amura tare da ba da izini ba gaira ba dalili.
Ya kara da cewa ta’asar da ake tafkawa a FCT ya tsananta don haka ya bukaci babban alkalin da ya duba lamarin.
“Mun kawo muku koken mu domin ku duba. Wannan ba shine mafi kyau ba, ”in ji shi.
Ministan ya yabawa babban alkalin bisa yadda aka samu kwanciyar hankali a bangaren shari’a a babban birnin tarayya Abuja da kuma kyakkyawar alakar da ke tsakanin hukumar ta FCTA da bangaren shari’a tare da jaddada bukatar karfafa hadin kan aiki.
Ya yi alkawarin inganta jin dadin alkalai a bangaren shari’a na babban birnin tarayya Abuja, musamman a bangaren masauki.
A cewarsa, samar da yanayi mai kyau ga mutanen da aka dorawa alhakin yaki da cin hanci da rashawa kamar alkalai zai taimaka matuka wajen yaki da cin hanci da rashawa.
Da yake mayar da martani, Mai shari’a Yusuf ya tabbatar wa Ministan cewa zai magance matsalar bayar da umarni ba gaira ba dalili.
Ya kuma bayyana cewa bangaren shari’a na cikin gwamnati, don haka ya kamata a rika yin abubuwan da za su sa gwamnati ta yi aiki.
“Muna sane da cewa kun fara daukar mataki don habbaka Abuja tare da sake tsaricikin hukumar kula da filaye a babban birnin tarayya Abuja.
“A karshe na bayar da umarni ga alkalan da ke kula da sashin shari’a na, cewa dukkan shari’o’in da suka shafi babban birnin tarayya Abuja babban alkali ne zai sanya su.
“Ina so in tabbatar da cewa zamanin irin wannan kura-kurai ya wuce; Ina kara tabbatar muku da cewa za mu yi iya bakin kokarinmu bisa tsarin doka don ganin kun yi nasara,” inji shi.
Daga Fatima Abubakar.
