Rahotanni da muke samu a jiya na nuni da cewa adadin mutanen da ‘yan bindiga suka kashe a tsakanin Kankara-Bakori a jihar Katsina ya kai 84.
An gano cewa a yammacin ranar Asabar ne jami’an tsaro da wasu ‘yan sa-kai suka zakulo wasu gawarwaki 26 bayan sun gama tantance wurin da lamarin ya faru.
Wani ganau ya shaida wa Aminiya a ranar Lahadin da ta gabata cewa ya ga wata mota a mahadar ‘Yargoje ta kwaso karin gawarwaki 26 zuwa yankin Bakori.
A halin da ake ciki, gwamnatin jihar Katsina ta ce za ta kaddamar da wani kwamitin bincike da zai binciki musabbabin kashe-kashen nan da nan da kuma nesa.
Mai baiwa Gwamna Aminu Bello Masari shawara kan harkokin tsaro, Mista Ibrahim Ahmed-Katsina, wanda ya bayyana hakan a daren Juma’ar nan yayin da yake jawabi ga wasu ‘yan jarida a gidansa da ke Katsina, ya ce gwamnati za ta kuma taimaka wa iyalan wadanda abin ya shafa.
Da aka tuntubi kakakin rundunar ‘yan sandan jihar Katsina, SP Gambo Isah, ya ce yayin da ake ci gaba da gudanar da wasu ayyuka a yankunan da lamarin ya shafa, bai san da labarin ba.
“Da zaran na samu labarin daga jami’an mu, zan je don sabunta muku, amma a halin yanzu, ana ci gaba da gudanar da aiki a yankin kuma ba mu da wannan sabuntawa,” in ji shi.
Daga Fatima Abubakar.
