An zabi dan takarar shugabancin majalisar dattawa na jam’iyyar All Progressives Congress, Godswill Akpabio, a matsayin shugaban majalisar dattawa.
Majalisar dattawa, a ranar Talata, ta zabi Goodwill Akpabio a matsayin shugabanta bayan ya samu kuri’u 63 inda ya doke Sanata Abdulaziz Yari wanda ya samu kuri’u 46.
Tsohon Gwamnan Akwa Ibom ya taba rike mukamin Ministan Harkokin Neja Delta daga 2019 zuwa 2022, yana wakiltar shiyyar Sanatan Akwa Ibom ta Arewa maso Yamma.
Haka zalika Zababben Sanata mai wakiltar Kano ta Kudu, Jibrin Barau, ya zama mataimakin shugaban majalisar dattawa ba tare da hamayya ba.
Sanata Dave Umahi ya zabi Sanata Barau a matsayin mataimakin shugaban majalisar dattawa inda ya karanta takardarsa bayan da wanda aka zaba ya amince da nadin.
Wani zababben mamba, Salisu Mustapha ya goyi bayan zaben.
Magatakardar kungiyar ta Red Chamber bayan da ya tambayi ko akwai sauran nade-nade, ya ayyana Sanata Jibrin Barau a matsayin mataimakin shugaban majalisar dattawa ba tare da hamayya ba.
Daga nan ne kuma aka rantsar da Sanata Barau a matsayin mataimakin shugaban majalisar dattawa na kasa ta 10.
