DPO mai murabus na harabar FCTA Rahma Thomas, ta yi kira ga hadin gwiwa lokacin aiki yayin da ta ke mika ofishin ta ga magajiyar ta.

0
10

Domin tabbatar da tsaron rayuka da dukiyoyi a Abuja, babban birnin tarayya (FCT), an gargadi jami’an tsaro musamman jami’an ‘yan sanda da su kasance tare da juna a kodayaushe, domin gudanar da aikinsu na ‘yan sanda a birnin.

Wannan sakon dai ya fito ne daga bakin Sufetan ‘yan sanda (SP) Raham Thomas, jami’ar ‘yan sanda mai ritaya kuma(DPO), mai kula da sakatariyar babban birnin tarayya Abuja da kewaye.

SP Rahma,wacce ta yi ritaya a wannan makon, bayan ta shafe shekaru 35 tana aiki, a tattaunawar ta da manema labarai ta  bayyana cewa aikin ‘yan sanda aiki ne na hadin gwiwa, domin babu wanda zai iya yin shi shi kadai, inda ta bukaci manyan jami’an da su tashi tsaye wajen yin aiki tukuru. da haƙuri yayin sanya ma’aikatan da ke ƙarƙashin su aiki.

Da take bayyana alakar ta a tsakanin sashinta da hukumar kula da babban birnin tarayya Abuja, a lokacin da take hidima, ta ce : “Dukkan mu mun kasance masu kyautatawa juna – tun daga sashin tsaro na babban birnin tarayya Abuja zuwa sauran masu ruwa da tsaki. .

“Lokacin da wani abu ya faru – ko da dare ko da rana, wayoyina na bude 24/7, suna kiran layi na; ko kuma suna da rahoton tsaro, za su kira ni kai tsaye,  wannan shine abin da ya kamata .Kuma zan kira ma’aikata na, mu yi aiki tare da shawo kan lamarin cikin ikon Allah.

“Shawara ta ga magajina shine  ta yi hakuri ta tafi da kowa, ta sanya ma’aikata a cikin aikin, ita da kanta ta tashi tana yi, kar ta zauna a ofis, sai dai ta jira na karkashinta, don haka ta tashi ta yi ta ziyartarsu, da magana da su da kuma shirya taruka na karin ilmi.

“Har ila yau, kada ta yi jinkiri ta kira hankalinsu da nuna yatsa ga duk wanda ya yi ba daidai ba. Har ila yau, ta sanya duk wanda ya yi kuskure a inda yake – wannan shine aikin dan sanda.

SP Thomas, wanda ta shiga aikin ‘yan sanda a ranar daya ga  watan Mayu, 1987, kuma ta yi ritaya a ranar Lahadi, 1 ga Mayu, 2022, ta ce: “Na gode wa Allah da ya sa na ga wannan rana a raye, kuma ina ta fama da iyalai na. Na gode wa Ministan Babban Birnin Tarayya Abuja da irin gudunmawar da ya ba ni,domin idan akwai wani abu da ya shafi ma’aikata, sai in garzaya zuwa gare shi, kuma koyaushe zai amsa min”.

Ta yi ritaya a matsayin jami’ar ‘yan sanda ta Dibision da aka tura a harabar sakatariyar FCTA, wanda ke dauke da ofishin ministar babban birnin tarayya Abuja da manyan jami’an FCTA da ma’aikatar noma ta tarayya da sauran su.

A nata bangaren, sabuwar DPO ta  FCTA, SP, Gimbya Audu, ta ce karbar mukamin nata za ta  ci gaba da rike mukamin magabatan ta da kuma bin shawarwarin da Umar ta ba ta.

“Kuma ta yi alkawarin yin aiki gaba ɗaya da waɗanda ke ƙarƙashin ta  kamar yadda nake buƙatar su kasance da haɗin kai a koyaushe kamar iyali ɗaya, don aiwatar da aikinmu a nan”.

Daga Fatima Abubakar