Yan ta’addan da suka kai hari kan jirgin kasan Abuja zuwa Kaduna a ranar 28 ga watan Maris, sun sako daya daga cikin mata masu juna biyu a cikin wadanda aka sace.
Wakilinmu ya tattaro cewa, kungiyar ta’addancin da ake zargin kungiyar Ansaru ce ta balle daga kungiyar Boko Haram, ta sako matar mai juna biyun ne a matsayin tausaya wa .
A cikin wani faifan bidiyo da ke yawo a kafafen sada zumunta, wata mata mai juna biyu sanye da bakaken tufafin Abaya (dogon riga) da abin rufe fuska, ta yi kira ga gwamnatin tarayya da ta tattauna da ‘yan bindiga.
Ta ce hakan ya zama wajibi ne sakamakon rashin tabbas da ke tattare da halin da wasu ke ciki a kogon ‘yan ta’addar.
Sai dai ta kara da cewa ‘yan ta’addan suna ba su abinci mai kyau, ta kuma kara da cewa ‘yan ta’addan na kula da magungunan su idan ba su da lafiya.
Matar mai ciki tana daga cikin fasinjojin da ‘yan ta’addan suka yi garkuwa da su a harin jirgin kasan AK9 da ke Abuja zuwa Kaduna a ranar 28 ga Maris, 2022.
Daya daga cikin matan masu ciki ta haifi diya mace kwanakin baya yayin da ta ke hannun masu garkuwa da su.
Sakamakon sakin matar mai dauke da juna biyu ya kai adadin mutum uku wadanda suka samu ‘yanci daga hannun ‘yan ta’addan a cikinsu, kamar yadda Manajan Daraktan Bankin noma, Alwan Hassan ya biya N100m da Sadique, dan babban bankin. Kungiyar Dattawan Arewa, Farfesa Ango Abdullahi.
Fatima Abubakar
