Kamfanin NNPC ta amince da karin farashin man fetur zuwa N179/lita

0
23

Kamfanin Man Fetur na Najeriya (NNPC) Limited ta amince da sake duba farashin mai na Premium Motor Spirit (PMS) daga N165 zuwa N179 kowace lita, wanda zai fara aiki yau Talata.

Kamfanin mai na kasa NNPC a wata sanarwa da ta aikewa ‘yan kasuwar mai ta umurce su da su canza farashin man fetur zuwa sabon farashin da zai fara aiki a yau. Hakan ya faru ne a daidai lokacin da kamfanin ya kara farashin tsohon depot daga N148.17 zuwa N167 kowace lita.
Wannan ya biyo bayan karancin man fetur da aka kwashe makonni ana yi a fadin kasar, yayin da dillalan man fetur ke daukar nau’ukan farashi daban-daban don tilasta yin katsalandan a hukumance.

Tuni, yawancin gidajen mai a Legas sun ɗauki nau’ikan farashi daban-daban. Yayin da wasu gidajen mai suka canza farashin mitocinsu don nuna farashin da suke siyarwa a yanzu, wasu kuma sun bar nasu ne don nuna farashin dillalan da aka amince da shi na Naira 165 kan kowace lita amma ana sayar da su sama da farashin da aka nuna.

Misali, gidan man Mobil da ke Agidingbi ya sayar da litar man fetur a kan Naira 170 a ranar Juma’a kuma an nuna hakan a kan mitocinsu.

Haka kuma ci gaban ya kasance a gidan man Enyo da ke tashar mota ta Chisco, a cikin Lekki, wanda a yanzu ana sayar da shi akan Naira 170 a kowace lita, gidan man Eterna a tashar Jankade, Lekki ana siyar da shi akan Naira 180 ga lita daya da gidan man Mobil , ta Osapa London, Lekki. yanzu ana saida shi akan N170 akan kowace lita.

Daga: Firdausi Musa Dantsoho