GWAMNA Abdulrahman Abdulrazaq na jihar Kwara ya zama sabon shugaban kungiyar gwamnonin Najeriya (NGF).
Ya maye gurbin Gwamna Aminu Waziri Tambuwal na jihar Sokoto wanda wa’adin mulkinsa zai cika a ranar 29 ga watan Mayu.
Hakan na kunshe ne a cikin wata sanarwar da Tambuwal ya sanyawa hannu a karshen taron gaggawa na gwamnonin jihohin kasar karo na 7 da suka gudanar a daren ranar Talata a Abuja.
An tattaro cewa Gwamna Abdulrazaq ya samu matsayin ne ta hanyar amincewa juna yayin da aka zabi gwamnan jihar Oyo, Seyi Makinde a matsayin mataimakin shugaban kungiyar.
Sanarwar ta kara da cewa, “Akan shugabancin kungiyar, gwamnan jihar Kwara, Abdulrahman Abdulrazaq, ya zama sabon shugaban kungiyar gwamnonin Najeriya ta hanyar yarjejeniya, kuma gwamnan jihar Oyo Seyi Makinde shine mataimakin shugaba,” in ji sanarwar. bangare.
“Mambobin sun bayyana gamsuwarsu da nasarar da aka kammala na nadin sabbin gwamnoni da masu dawowa daga ranakun 14 zuwa 19 ga Mayu, 2023.
“Mambobin sun himmatu wajen ci gaba da yin hadin gwiwa a tsakanin jihohi ta hanyar inganta takwarorinsu, koyo a matakin kananan hukumomi da zurfafa dangantaka da gwamnatin tarayya da sauran cibiyoyi.
“A karshe shugaban kungiyar ya sanar da mambobin kungiyar cewa Hon. Ministan Kudi ya amince da bukatar kungiyar ta gaggauta dakatar da ci gaba da cirewa daga asusun jihohi don biyan bukatun kananan hukumomi na London Paris Club kuma kudaden da aka cire zuwa yanzu za a mayar da su ga jihohi.”
Firdausi Musa Dantsoho
