Guguwar iskar sanyi na Harmattan iska ce mai sanyi da kura, wadda ke kadawa a yankin yammacin Afirka. Abin da ya faru shi ne, wannan iskar arewa maso gabas tana kadawa daga hamadar Sahara zuwa cikin tekun Guinea tsakanin karshen watan Nuwamba zuwa tsakiyar watan Maris.
A cikin wannan lokacin, leɓuna suna cakuɗewa, fashewa kuma basa kasancewa cikin koshin lafiya. To ta yaya kuke kare lebban ku a wannan lokacin.
- Shan ruwa mai yawa
Rashin ruwa yana daya daga cikin abubuwan da ke haifar da bushewar lebe. Lebbanku suna nuna maku cewa kuna jin ƙishin ruwa! Shan ruwa mai yawa yana da mahimmanci ga jikinku. Wannan zai dakatar da bushewa da tsagewa kuma zai sa leɓun ku su cika da kara masa lafiya.
- Amfani da man baki balm
Kowane mutum ya kamata ya sami man leɓe mai kyau wanda a ko da yaushe zai iya amfani da shi. A tabbatar cewa anyi amfani da man lebe wadda Babu sinadaran chemicals masu yawa a ciki. Waɗannan sinadaran na iya ƙara fusata leben ku. Ku nemi man lebe da ke da sinadarai irin su man kadanya, almond, kwakwa, da man zaitun.
- Ku daina lasar leben ku
Lasar Leben ku ba mafita bane wajan kawar da bushewar lebe sai dai ma ya ƙara busar da Leben. Madadin haka, zaku iya sanya man baki mai ɗanɗano mara kyau kuma kuna iya gwada tsotsar alewa mai ƙarfi don hana kanku lasar leɓe.
- Gyaran lebbanku
Kamar dai fuskar ku, ana buƙatar gyara leɓe lokaci zuwa lokaci. Goge lebe da scrub zai cire bushewar fata da ta mutu, ya bar ku da lebe Mai laushi da danshi. Gwada turmeric ko lemun tsami da Sugar wajan goge leben.
- Cin kayan lambu masu yawa
Lebe sukan bushe saboda rashin sinadarin pH a jikin ku. Cin ‘ya’yan itatuwa da kayan marmari za su taimaka wajen dawo da wannan da kuma kawar da gubobi da ke cikin jikin ku da ke sa leɓun ku su bushe. Lemun Smoothies a ko da yaushe zaɓi ne mai daɗi don cimma wannan!
- Rage cin abinci mai yaji da gishiri da yawa
A daina cin abinci mai yaji da gishiri. Ba abin da suke yi sai kara fusatar da lebbanku da haifar da kumburi. Don haka, yana da kyau a yawaita shan ruwa da kayan lambu.
By: Firdausi Musa Dantsoho
