Yayin da kasar nan ke shirin tunkarar zaben shekara ta 2023, wani kalaman ta’addanci da ake zargin gwamna Yahaya Bello na jihar Kogi dayi na ci gaba da janyo tofin Allah tsine. Ana zargin gwamnan da yin barazana ga abokan hamayyar siyasa a lokacin da yake magana a harshen yaren Ebira, a wani taro a Ihima ranar Litinin. Amma gwamnatin jihar Kogi a cikin wata sanarwa da kwamishinan yada labarai da sadarwa, Kingsley Fanwo, ya fitar a ranar Laraba ta ce sakon gwamnan da yayyi a Ihima an juya shi ne.
Babbar jam’iyyar adawa ta PDP, ta tayar da jijiyar wuya kan faifan bidiyo mai daure kai da ake zargin Bello ya tunzura magoya bayan sa. Wata sanarwa da sakataren yada labarai na kasa Hon. Debo Ologunagba ya ce, “A cikin faifan bidiyon an ji Gwamna Bello yana barazanar ta’addanci inda ya ce, “Ni da kaina zan kunna wuta a hannuna duk wanda ya so za mu yi amfani da ita wajen kona su, duk wanda ya tsira zai gode wa Allah. Duk wanda ya saba mana, za mu sanya shi koi ta su bi mahaifiyata, kuma su kwanta da ita (mahaifiyata) a cikin kabari.”
Ta hanyar ma’anar FBI, ta’addanci shine “amfani da karfi ko cin zarafi ga mutane ko dukiya ba bisa ka’ida ba don tsoratarwa ko tilasta gwamnati, farar hula, ko kowane bangare nata, don ci gaban manufofin siyasa ko zamantakewa”. “Wannan mummunar barazanar da Gwamna Yahaya Bello ya yi ta haifar da fargaba a cikin jama’a kan samuwar wata rundunar ‘yan bindiga da aka kafa domin tada zaune tsaye ga ‘yan Najeriya gabanin zaben 2023 saboda kawai sun yi watsi da almundahana, rarrabuwar kawuna da rigingimun jam’iyyar All Progressives Congress (APC). , wanda gazawar ta fi fitowa fili ta yadda Yahaya Bello ya yi mugun aiki a jihar Kogi. “Don haka jam’iyyar PDP ta yi kira ga shugaban kasa Muhammadu Buhari da ya gaggauta kiran Gwamna Yahaya Bello domin ya ba shi umarni tare da sanya shi da magoya bayan sa cikin jerin masu sa ido kan tsaro a matsayin barazana ga dimokuradiyya a gabanin babban zabe na 2023.
“Jam’iyyar mu ta kuma tuhumi Sufeto Janar na ‘yan sandan da ya gaggauta fara gudanar da cikakken bincike a kan ayyukan Gwamna Yahaya Bello da nufin aikata wannan mummunar dabi’a ta tuzura tare da gurfanar da shi a gaban kotu a karshen wa’adinsa na Gwamnan Jihar Kogi. . “Muna kira ga ’yan Najeriya musamman wadanda ke Jihar Kogi da kada kalaman Yahaya Bello ya karaya su, wanda kwanakinsa ya cika, amma su ci gaba da hada kai da jam’iyyar PDP wajen ganin an kwato mana al’ummarmu daga kangin APC da makamantansu. Yahaya Bello, 2023.
A wani lamari makamancin haka, gwamnatin jihar Kogi ta yi watsi da faifan bidiyon. Kwamishinan yada labarai da sadarwa, Kingsley Fanwo a cikin wata sanarwa a ranar Laraba ya ce sakon gwamnan a cikin Ihima ya karkata.
By: Firdausi Musa Dantsoho
