Tinubu Ya Nada Aisha Buhari Shugabar Kungiyar Kamfen insa na Mata

0
16

A yau ne jam’iyyar APC mai mulkin Najeriya ta bayyana uwargidan shugaban kasa Aisha Buhari a matsayin shugabar tawagar yakin neman zaben ta na mata.

Uwargidan shugaban kasa wadda ake wa lakabi da kungiyar yakin neman zaben shugaban kasa na mata Tinubu/Shettima, ana sa ran za ta jagoranci bangaren mata na jam’iyyar zuwa ga nasara.
Sauran wadanda suka taka rawar gani sun hada da Sanata Oluremi Tinubu, Sanata mai wakiltan Legas ta tsakiya a zauren majalisar dattawa na wa’adi uku da tsohuwar uwargidan tsohon gwamnan jihar Legas, da Nana Shettima, tsohuwar uwargidan gwamnan jihar Borno kuma uwargidan mataimakin jam’iyyar APC na takarar shugaban kasa.

Za su kasance a matsayin shugaba da kuma mai ba da shawara na hadin gwiwar tawagar yakin neman zaben mata.

Hakan na kunshe ne a cikin wata sanarwa da Rinsola Abiola, diyar marigayi Cif MKO Abiola, kuma jigo a jam’iyyar APC ta fitar, wadda ita ma ta sanya sunan ta a kafafen yada labarai da kwamitocin gudanarwa a kungiyar yakin neman zaben mata.

Daga:Firdausi Musa Dantsoho